كل الاشياء تعمل معا
قصص مسيحية قصيرة
" كل الأشياء تعمل معاً لخيري "
في مرة إتعلمت درس من الصابونة اللي كنت بغسل بيها ايدي وقلت معقوله صابونه صغيرة زى دى تقدر تنظف الجسم من الإتساخ!! إيه القوة العجيبة دى وايه اللي في مكوناتها عشان تقدر تعمل كدة!! وسألت إيه مكونات صناعة الصابون قالوا لي (دقيق-زيت-صودا كاوية وهي مادة حارقة).
ثم سألت نفسي وقلت لو حصل اني غسلت وجهى بالدقيق هههه! هايبقي عجين!
ولو غسلته بالزيت صعب! ولو بالصودا الكاوية مش هايبقي فيه وش خالص!!!!!!
لكن العجيب إنه بمقادير معينه مع بعض تصبح صابونة مفيدة، وتذكرت آية في الكتاب المقدس: “وَنَحْنُ نَعْلَمُ أَنَّ كُلَّ ٱلْأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ ٱللهَ، ٱلَّذِينَ هُمْ مَدْعُوُّونَ حَسَبَ قَصْدِهِ.”رُومِيَةَ ٨: ٢٨"
وتذكرت أن حياتي لا تخرج عن هذه المكونات: أوقات حياتي تبقى كالدقيق من عطايا وشبع وخير وكله ماشي تمام. وأوقات تبقى مثل الزيت، الحياة تعزيات و افراح والصلوات مستجابة بسرعه ...
وأوقات تبقى صودا كاوية يقول عنها الكتاب البلوى المحرقة تيجي بدون إنذار (مرض, مشاكل, خسارة ما, ......). لكن اكتشفت إن كمية الدقيق والزيت أكثر من الصودا الكاوية يقول عنها الكتاب "خفة ضيقتنا الوقتية، "وان كان يجب تحزنون يسيراً بتجارب متنوعة." العجيب إن الرب بمهارة فائقة يجعل هذه الأشياء بمقاييس إلهية محددة تعمل لخيرنا! ... لمن؟ للذين يحبونه للذين دعاهم حسب قصده ، لكي ينظف حياتنا ويصنع مننا شبه ابنه ! إذاً لاتتذمر، عايز تبقى دايماً نظيف وتبقى في حياتك لمعان وشهادة واستخدام؟ يبقى لازم تستسلم ليد الله القديرة ولمعاملات نعمته الحكيمة
و احيانا يضيف الله الى هذه الخلطة قليل من البرفيوم تعطيها رائحة جميلة تتناسب مع قوة التجربة فلا نشعر بقساوتها..
Comments
Post a Comment